Монголын жүдочид Бакугийн их дуулгаас 2 мөнгө, 3 хүрэл медаль хүртлээ

2021-11-08 09:51:00

Жүдо бөхийн дэлхийн цуврал тэмцээн, Бакугийн их дуулга өнгөрсөн амралтын өдрүүдэд боллоо.

Тус тэмцээнийг манай улсын 22 тамирчин зорьсноос 2 мөнгө, 3 хүрэл медаль хүртэж багийн дүнгээр наймдугаар байр эзэллээ.

Тодруулбал

• эмэгтэйчүүдийн -63 кг жинд Б.Ганхайч мөнгө
• эмэгтэйчүүдийн +78 кг жинд А.Адъяасүрэн мөнгө
• эмэгтэйчүүдийн -52 кг жинд Б.Хорлоодой хүрэл
• эрэгтэйчүүдийн -73 кг жинд Ц.Цогтбаатар хүрэл
• эрэгтэйчүүдийн +100 кг жинд О.Цэцэнцэнгэл хүрэл медалийг тус тус хүртлээ.

Түүнчлэн их дуулгад  -60 кг жинд оролцсон Э.Сумъяабазар, -48 кг жинд Г.Наранцэцэг,  -57 кг жинд Л.Энхрийлэн нарын тамирчид тавдугаар байр,  -70 кг жинд Ц.Энхчимэг, -78 кг жинд Б.Эрдэнэт-Од нар оролцож долдугаар байрыг тус тус эзэлсэн байна.